Врски

Важно е јасно да се постават границите за дозволен и недозволен допир. Согласно можностите на Вашата ќерка/ученичка/роднина/корисничка одредете дали е соодветно да се користи терминот приватни делови или засебно именување на истите (гради, задник и вагина). Нагласете ја лицевата експресија на мајката (изненадена, збунета, лута и сл.) и нејзиното тело (наведната кон назад, се обидува да се тргне, со рака се обидува да го спречи допирот и сл.).

Доколку во семејството на Вашата ќерка/ученичка/роднина/корисничка има и други членови, наведете ги и нив.

Објаснете дека секое поздравување со личност не мора да вклучува допир. Може да има само вербално поздравување и мавтање со рака.

Нагласете ја лицевата ескпресија на соговорникот (збунет, изненаден, лут и сл.) и положбата на телото (наведната кон назад, се обидува да се тргне, со рака се обидува да го спречи допирот и сл.).

Толкувањето на говорот на телото е важно за воспоставување на комуникација. Секогаш опишете ја лицевата експресија (насмеан, расположен и сл.) и поставеноста на телото на соговорникот (стои до Вашата ќерка/ученичка/роднина/корисничка, не се обидува да се отргне и сл.).

Од особено значење е Вашата ќерка/ученичка/роднина/корисничка да биде охрабрена на непријатен допир да каже не, без оглед од кого тој допир доаѓа. Во таа насока важно е да се нагласи изразот на лицето, кој треба да биде сериозен и раката да биде испружена напред, со што се дава знак со телото за прекин на допирањето. Изведувајте ги овие движења пред огледало, заедно со Вашата ќерка/ученичка/роднина/корисничка.

Од особено значење е Вашата ќерка/ученичка/роднина/корисничка да знае дека непријатни допири може да искуси од сите луѓе. Затоа е важно да се претстави оваа можна ситуација, за да истата биде препознаена доколку се случи.
Опишете ја лицевата експресија (збунета, изненадена, лута и сл.) и поставеноста на телото (згрчена, се обидува да се одбрани и сл.) и нагласете дека токму од лицето и телото се гледа дали на девојката и е пријатно или непријатно.

Од особено значење е Вашата ќерка/ученичка/роднина/корисничка да биде охрабрена на непријатен допир да каже не, без оглед од кого тој допир доаѓа. Во таа насока важно е да се нагласи изразот на лицето, кој треба да биде сериозен и раката да биде испружена напред, со што се дава знак со телото за прекин на допирањето. Изведувајте ги овие движења пред огледало, заедно со Вашата ќерка/ученичка/роднина/корисничка.