Човечкото тело и развој

Нагласете дека менструацијата се јавува кај сите девојки/жени, како дел од растењето. Менструацијата значи растење. Доколку Вашата ќерка/ученичка/роднина/корисничка се уште не го поминала тој развоен период, односно не добила менструација посочете дека тоа треба да и се случи и на неа во иднина и дека треба да ја очекува менструацијата.

Посочете го докторот како личност со која Вашата ќерка/ученичка/роднина/корисничка може слободно и отворено да разговара за менструацијата и за прашањата поврзани за истата. Именувајте го докторот на Вашата ќерка/ученичка/роднина/корисничка за да знае на која личност - доктор може да му се обрати.

Посочете ја докторката како личност со која Вашата ќерка/ученичка/роднина/корисничка може слободно и отворено да разговара за менструацијата и за прашањата поврзани за истата. Именувајте ја докторката на Вашата ќерка/ученичка/роднина/корисничка за да знае на која личност - докторка може да и се обрати.

Наведете ги членовите на семејството и другарките/пријателите со кои Вашата ќерка/ученичка/роднина/корисничка е безбедно да комуницира за менструација. Согласно можностите и потребите на Вашата ќерка/ученичка/роднина/корисничка посочете го и времето и местото кога тоа е најсоодветно да се случува. Доколку во блиското опкружување на Вашата ќерка/ученичка/роднина/корисничка има и други личности со кои може безбедно да комуницира за менструација, наведете ги истите.

Менструацијата претставува приватна тема. Набројте ги личностите со кои Вашата ќерка/ученичка/роднина/корисничка може отворено да разговара за менструацијата. Доколку има и други личности на кои Вашата ќерка/ученичка/роднина/корисничка може да им се обрати за разговор, наведете ги и нив (членови на семејството, роднини, пријатели и сл.). Важно е да се нагласи дека со одредени личности Вашата ќерка/ученичка/роднина/корисничка не треба да разговара за менструацијата (наведете ги личности согласно Вашите правила на комуницирање).

Наведете дека за време на менструацијата расположението кај Вашата ќерка/ученичка/роднина/корисничка може брзо да се менува, како што е опишано во текстот. Нагласете дека таа промена се случува и кај многу други девојки/жени и дека истата е очекувана, односно дел од менструацијата. Согласно можностите и потребите на Вашата ќерка/ученичка/роднина/корисничка заедно опишете ги емоциите претставени на илустрациите. Поттикнете ја Вашата ќерка/ученичка/роднина/корисничка да наведе примери доколку и таа чувствувала таква промена во расположението.

Споделете со Вашата ќерка/ученичка/роднина/корисничка дека мозолчињата како придружен симптом на менструацијата се јавуваат кај некои девојки/жени повеќе, додека кај други помалку или воопшто и не се јавуваат. Посочете женска личност од семејството или блиското опкружување на Вашата ќерка/ученичка/роднина/корисничка (мајка, сестра, родина, другарка и сл.) која ги има наведените промени.

Наведете ја болката во стомакот, која може да се јави како придружен симптом на менструацијата. Потоа споделете доколку женска личност од семејството или блиското опкружување на Вашата ќерка/ученичка/роднина/корисничка (мајка, сестра, родина, другарка и сл.) чувствува промени во стомакот за време на менструацијата. Нагласете дека некои девојки/жени може да имаат потврд и поголем стомак за време на менструацијата, а други не.

Посебно наведете ја болката во градите, која може да се јави како придружен симптом на менструацијата. Потоа споделете доколку женска личност од семејството или блиското опкружување на Вашата ќерка/ученичка/роднина/корисничка (мајка, сестра, родина, другарка и сл.) чувствува промени во градите за време на менструацијата. Нагласете дека некои девојки/жени може да имаат потврди и поголеми гради за време на менструацијата, а други не.

Нагласете дека болките може да се јават и пред добивање на менструацијата. Наведете го тоа како знак дека следува менструација.