Сексуално и репродуктивно здравје

Исто како и девојката, така и дечкото треба да оди на доктор. Само докторот ќе му каже дали има или нема сексуална инфекција. Согласно можностите на Вашата ќерка/ученичка/роднина/корисничка дополнете дека ако таа и дечкото имаат секс без кондом, тогаш и двајцата треба да одат на доктор, за да дознаат и двајцата дали имаат или немаат сексуална инфекција.

Согласно можностите на Вашата ќерка/ученичка/роднина/корисничка посочете дека е важно да му каже на дечкото за сексуалната инфекција. Бидејќи можеби дечкото и воопшто не знае дека и тој може да има сексуална инфекција.

Набројте ги луѓето со кои Вашата ќерка/ученичка/роднина/корисничка може да разговара за сексуални инфекции. Доколку Вашата ќерка/ученичка/роднина/корисничка може да разговара и со други луѓе на тема сексуални инфекции, тогаш наведете ги и нив. Согласно можностите на Вашата ќерка/ученичка/роднина/корисничка дополнете дека тој разговор може да се одвива кога двајцата се сами и никој друг не може да ги слушне.

Важно е да се посочи дека има сексуални инфекции кои не може да се излекуваат. Согласно можностите на Вашата ќерка/ученичка/роднина/корисничка објаснете дека сексуалната инфекција ќе остане во телото на девојката, но сепак терапијата ќе помогне таа да нема симптоми, односно да нема точки, плускавци, ранички и да не чувствува болка, печење или чешање. Наведете го кондомот како единствен начин кој нема да даде, односно ќе спречи бактериите/микробите од пенисот да се пренесат на вагината, односно ќе спречи да се создаде сексуална инфекција.

Освен апчињата кои се пијат, може да се користи и крема, која се мачка на вагината. Согласно можностите на Вашата ќерка/ученичка/роднина/корисничка можете да дополните дека токму кремата или маста може да ги излекува точките, раничките или плускавците на вагината.

Набројте неколку имиња на сексуално преносливи инфекции. Вашата ќерка/ученичка/роднина/корисничка не мора истите да ги меморира, но да знае дека сексуалните инфекции си имаат и свои имиња. Посочете дека сексуалните инфекции може да се излекуваат, како што се лекуваат и другите болести познати на Вашата ќерка/ученичка/роднина/корисничка (грип, настинка и сл.). Важно е да се нагласи дека сексуалните инфекции ќе поминат, доколку се зема терапија, како на пример апчиња.

Потенцирајте дека е важно Вашата ќерка/ученичка/роднина/корисничка редовно да оди на доктор/гинеколог, особено ако имала секс/сексуален однос без кондом. Посочете дека само докторот/гинеколог може да види, открие дали има или нема сексуална инфекција. Согласно можностите на Вашата ќерка/ученичка/роднина/корисничка наведете дека и покрај претходно опишаните знаци (точки, ранички, плускавци, болка, печење, чешање, исцедок и сл.) само докторот/гинекологот може точно да каже дали девојката има или нема сексуална инфекција.

Наведете дека некогаш може да има сексуална инфекција, без девојката да осети, почувствува. Опишете ја и лицевата експресија претставена во различните ситуации (на девојката и е убаво, се чувствува убаво, пријатно, не ја боли, не ја пече, не ја чеша и сл.).

Сумирајте ги, набројте ги уште еднаш симптомите кои може да се јават при присуство на сексуална инфекција. Опишете ја и лицевата експресија претставена во различните ситуации (на девојката не и е убаво, се чувствува неубаво, непријатно, ја боли, пече, чеша и сл.).

Објаснете дека кога пенисот, без кондом, ќе ја допре вагината или ќе влезе во вагината може да ги пренесе бактериите/микробите на и во вагината. Така вагината која немала бактерии/микроби може да добие бактерии/микроби кои ќе предизвикаат сексуална инфекција.