Сексуално и репродуктивно здравје

Посочете ја прво илустрацијата од Вашата десна страна, каде не се гледа дека на пенисот има бактерии/микроби. Нагласете дека бактериите/микробите се многу мали и затоа не може да се видат. Потоа посочете ја илустрацијата од Вашата лева страна, која е зголемена, со цел да се претстават бактериите/микробите на пенисот. Нагласете дека Вашата ќерка/ученичка/роднина/корисничка може да добие сексуална инфекција само ако има секс/сексуален однос без кондом.

Опишете ја лицевата експресија на девојката на илустрацијата (не и е убаво, непријатно и е , бидејќи чувствува болка). Нагласете дека кога има сексуална инфекција девојката може да има болка во текот на целиот секс/сексуален однос.

Посочете го ликот на девојката на илустрацијата (се гледа дека и е неубаво/непријатно, бидејќи има болка). Согласно можностите на Вашата ќерка/ученичка/роднина/корисничка дополнете дека болката или пецкањето при мочање може да се јави во текот на мочањето или кон крајот.

Покрај точките наведете дека на вагината може да има и ранички или плускавци. Објаснете дека раничките или плускавците се поголеми од точките и може да предизвикаат болка или пецкање. Болката и пецкањето асоцирајте ги со претходни искуства на Вашата ќерка/ученичка/роднина/корисничка (при удар, исекотина, боцкање со игла и сл.) за да може да добие претстава за каква промена станува збор.

Посочете дека на вагината не треба да има точки, кои може да чешаат. Доколку има тоа значи дека има сексуална инфекција. Согласно можностите на Вашата ќерка/ученичка/роднина/корисничка дополнете дека чешањето може да биде неубаво/непријатно и да биде постојано, континуирано.

Важно е да се нагласи дека бактериите/микробите на и во вагината предизвикуваат сексуална инфекција. Поимот сексуална инфекција треба да се применува, за да може понатаму начинот на добивање и пренесување полесно да се поврзе со името на самата инфекција (сексуален пат - сексуална инфекција). Согласно можностите на Вашата ќерка/ученичка/роднина/корисничка дополнете дека е во ред од вагината излегува растеглив исцедок кој нема мирис. Но, доколку од вагината излегува исцедок кој е густ и мириса неубаво/непријатно, тогаш тоа значи дека има сексуална инфекција.

Посочете дека освен надвор на вагината бактерии/микроби може да има и внатре во вагината, односно дека тие може да влезат внатре во дупчето кое се вика вагина.

Особено потенцирајте дека бактерии/микроби може да има и на вагината. Ова е важно, бидејќи вагината како дел на телото ретко се именува во секојдневните активности на бањање, облекување и сл. Затоа јасно нагласување дека и на вагината може да има бактерии/микроби е потребно во конкретната ситуација.

Набројте ги деловите на телото, каде се може да има бактерии/микроби и заедно со Вашата ќерка/ученичка/роднина/корисничка посочете ги деловите на илустрацијата или пред огледало на Вашето и нејзиното тело.

Земајќи предвид дека бактериите како поим почесто се употребуваат, во споредба со правилниот термин микроби, доколку процените дека Вашата ќерка/ученичка/роднина/корисничка полесно ќе го усвои поимот инфекција, тогаш употребувајте ги бактериите како причина. Но, доколку процените дека Вашата ќерка/ученичка/роднина/корисничка може да го усвои поимот микроби, тогаш употребувајте го него во целата приказна. Кој и поим да го одберете поврзете го претходното искуство на Вашата ќерка/ученичка/роднина/корисничка, како миење на рацете, телото, лицето, забите (да се измијат бактериите/микробите за да не се разболи).