Сексуално и репродуктивно здравје

Покрај точките наведете дека на пенисот може да има и ранички или плускавци. Објаснете дека раничките или плускавците се поголеми од точките и може да предизвикаат болка или пецкање. Болката и пецкањето асоцирајте ги со претходни искуства на Вашето дете/ученик/роднина/корисник (при удар, исекотина, боцкање со игла и сл.) за да може да добие претстава за каква промена станува збор.

Посочете дека на пенисот не треба да има точки, кои може да чешаат. Доколку има тоа значи дека има сексуална инфекција. Согласно можностите на Вашето дете/ученик/роднина/корисник дополнете дека чешањето може да биде неубаво/непријатно и да биде постојано, континуирано.

Важно е да се нагласи дека бактериите/микробите на и во пенисот предизвикуваат сексуална инфекција. Поимот сексуална инфекција треба да се применува, за да може понатаму начинот на добивање и пренесување полесно да се поврзе со името на самата инфекција (сексуален пат - сексуална инфекција). Доколку од пенисот излегува исцедок кој е густ и мириса неубаво/непријатно, тогаш тоа значи дека има сексуална инфекција.

Посочете дека освен надвор на пенисот бактерии/микроби може да има и внатре во пенисот, односно дека тие може да влезат внатре во дупчето,отворот на пенисот.

Особено потенцирајте дека бактерии/микроби може да има и на пенисот. Ова е важно, бидејќи пенисот како дел на телото ретко се именува во секојдневните активности на бањање, облекување и сл. Затоа јасно нагласување дека и на пенисот може да има бактерии/микроби е потребно во конкретната ситуација.

Набројте ги деловите на телото, каде се може да има бактерии/микроби и заедно со Вашето дете/ученик/роднина/корисник посочете ги деловите на илустрацијата или пред огледало на Вашето и неговото тело.

Земајќи предвид дека бактериите како поим почесто се употребуваат, во споредба со правилниот термин микроби, доколку процените дека Вашето дете/ученик/роднина/корисник полесно ќе го усвои поимот инфекција, тогаш употребувајте ги бактериите како причина. Но, доколку процените дека Вашето дете/ученик/роднина/корисник може да го усвои поимот микроби, тогаш употребувајте го него во целата приказна. Кој и поим да го одберете поврзете го претходното искуство на Вашето дете/ученик/роднина/корисник, како миење на рацете, телото, лицето, забите (да се измијат бактериите/микробите за да не се разболи).

Доколку во блиското опкружување на Вашето дете/ученик/роднина/корисник има и други лица со кои тој може да разговара на конкретната тема, тогаш наведете ги и нив (брат, сестра, роднина, другар и сл.).

Нагласете дека таблетата за итна контрацепција девојката треба да ја испие во следните 3 дена по сексот, односно што е можно побрзо. Бидејќи ако поминат три дена од сексот, таблетата за итна контрацепција нема да спречи девојката да остане бремена.

Нагласете дека таблетата за итна контрацепција може да се купи само во аптека. Согласно можностите на Вашето дете/ученик/роднина/корисник наведете дека таблетите за контрацепција не може да се купат во продавница или бензинска пупма како кондомите. Доколку поимот „аптекарка“ претставува предизвик за изговарање и меморирање на Вашето дете/ученик/роднина/корисник применете друг поим кој ќе биде соодветен (продавачка во аптека и сл.).