Сексуално и репродуктивно здравје

Освен апчињата кои се пијат, може да се користи и крема, која се мачка на вагината. Согласно можностите на Вашето дете/ученик/роднина/корисник можете да дополните дека токму кремата или маста може да ги излекува точките, раничките или плускавците на пенисот.

Набројте неколку имиња на сексуално преносливи инфекции. Вашето дете/ученик/роднина/корисник не мора истите да ги меморира, но да знае дека сексуалните инфекции си имаат и свои имиња. Посочете дека сексуалните инфекции може да се излекуваат, како што се лекуваат и другите болести познати Вашето дете/ученик/роднина/корисник (грип, настинка и сл.). Важно е да се нагласи дека сексуалните инфекции ќе поминат, доколку се зема терапија, како на пример апчиња.

Потенцирајте дека е важно Вашето дете/ученик/роднина/корисник редовно да оди на доктор, особено ако имал секс/сексуален однос без кондом. Посочете дека само докторот може да види, открие дали има или нема сексуална инфекција. Согласно можностите на Вашето дете/ученик/роднина/корисник наведете дека и покрај претходно опишаните знаци (точки, ранички, плускавци, болка, печење, чешање, исцедок и сл.) само докторот може точно да каже дали момчето има или нема сексуална инфекција.

Наведете дека некогаш може да има сексуална инфекција, без девојката да осети, почувствува. Опишете ја и лицевата експресија претставена во различните ситуации (на момчето и е убаво, се чувствува убаво, пријатно, не го боли, не го пече, не го чеша и сл.).

Сумирајте ги, набројте ги уште еднаш симптомите кои може да се јават при присуство на сексуална инфекција. Опишете ја и лицевата експресија претставена во различните ситуации (на момчето не му е убаво, се чувствува неубаво, непријатно, го боли, пече, чеша и сл.).

Објаснете дека кога вагината ќе го допре пенисот или пенисот ќе влезе во вагината без кондом може да ги пренесе бактериите/микробите на и во пенисот. Така пенисот кој немал бактерии/микроби може да добие бактерии/микроби кои ќе предизвикаат сексуална инфекција.

Посочете ја прво илустрацијата од Вашата десна страна, каде не се гледа дека на вагината има бактерии/микроби. Нагласете дека бактериите/микробите се многу мали и затоа не може да се видат. Потоа посочете ја илустрацијата од Вашата лева страна, која е зголемена, со цел да се претстават бактериите/микробите на вагината. Нагласете дека Вашето дете/ученик/роднина/корисник може да добие сексуална инфекција само ако има секс/сексуален однос без кондом.

Опишете ја лицевата експресија на момчето на илустрацијата (не му е убаво, непријатно му е , бидејќи чувствува болка). Нагласете дека кога има сексуална инфекција момчето може да има болка во текот на целиот секс/сексуален однос.

Посочете го врвот на пенисот или дупчето на пенисот како регија која може да биде црвена. Согласно можностите на Вашето дете/ученик/роднина/корисник дополнете дека тоа не е крв, туку бојата на кожата е променета поради сексуалната инфекција. Посочете примери кои му се познати на Вашето дете/ученик/роднина/корисник за промена на бојата на кожата (каснување од комарец, чешање и сл.) за да може да разбере полесно промената на пенисот.

Посочете го ликот на момчето на илустрацијата (се гледа дека му е неубаво/непријатно, бидејќи има болка). Согласно можностите на Вашето дете/ученик/роднина/корисник дополнете дека болката или пецкањето при мочање може да се јави во текот на мочањето или кон крајот.