Сексуално и репродуктивно здравје

На илустрацијата посочете го балончето во кое се собира спермата. Наведете дека на овој начин спермата останува во кондомот, не влегува во девојката.

Потенцирајте ја важноста од правилно местење на кондомот, односно дека кондомот мора да биде правилно наместен на пенисот за девојката да не остане бремена.

Бидејќи кондомот е направен од гума, истиот може да го именувате и со терминот „гумичка“, доколку поимот „кондом“ е тежок за изговарање. Важно е да нагласите дека кондомот се става на пенисот, која мора да биде тврд, бидејќи во спротивно не може да се стави кондомот. Исто така, важно е да го потенцирате времето кога се става кондомот, односно пред пенисот да ја допре или влезе во вагината. Посочете дека пенисот не треба да ја допре или да влезе во вагината, ако на него нема кондом.

Важно е да нагласите дека девојката и момчето може да имаат секс, а девојката сепак да не остане бремена. При воведување на поимот „кондом“, доколку истиот е тежок за изговарање, тогаш можете истовремено да го користите и терминот „гумичка“. Користете ги и двата поими истовремено. На тој начин, доколку поимот „кондом“ не може да го изговори Вашата ќерка/ученичка/роднина/корисничка, сепак ќе го асоцира со поимот „гумичка“. Доколку во местото каде живее Вашата ќерка/ученичка/роднина/корисничка се користат други синоними за кондом, освен наведените, споменете ги и нив.

Иако чинот на сексуален однос е детално опишан во една од претходните приказни „Сексуален однос“, сепак повторно нагласете дека внесувањето на пенисот во вагината претставува сексуален однос/секс. Од особено значење е Вашата ќерка/ученичка/роднина/корисничка да ја запомни таа информација, за да може следствено да го разбере процесот на спречување на бременост. Доколку е потребно поедноставете ја реченицата „Ако немаат секс“ во „Ако пенисот не влезе во вагината на девојката“, за да може Вашата ќерка/ученичка/роднина/корисничка да го сфати концептот на немање секс.

Иако во претходните приказни начинот на создавање на бебе е детално прикажан, сепак уште еднаш нагласете, повторете дека бебе настанува со спојување на сперматозоидот од момчето и јајце клетка од девојката. Потоа посочете дека токму тоа спојување треба да се спречи, за да не настане бременост, односно девојката да не остане бремена.

Исто како и момчето, така и девојката треба да оди на доктор. Само докторот ќе и каже дали има или нема сексуална инфекција. Согласно можностите на Вашето дете/ученик/роднина/корисник дополнете дека ако тој и девојката имаат секс без кондом, тогаш и двајцата треба да одат на доктор, за да дознаат и двајцата дали имаат или немаат сексуална инфекција.

Согласно можностите на Вашето дете/ученик/роднина/корисник посочете дека е важно да и каже на девојката за сексуалната инфекција. Бидејќи можеби девојката и воопшто не знае дека и таа може да има сексуална инфекција.

Набројте ги луѓето со кои Вашето дете/ученик/роднина/корисник може да разговара за сексуални инфекции. Доколку Вашето дете/ученик/роднина/корисник може да разговара и со други луѓе на тема сексуални инфекции, тогаш наведете ги и нив. Согласно можностите на Вашето дете/ученик/роднина/корисник дополнете дека тој разговор може да се одвива кога двајцата се сами и никој друг не може да ги слушне.

Важно е да се посочи дека има сексуални инфекции кои не може да се излекуваат. Согласно можностите на Вашето дете/ученик/роднина/корисник објаснете дека сексуалната инфекција ќе остане во телото на момчето, но сепак терапијата ќе помогне таа да нема симптоми, односно да нема точки, плускавци, ранички и да не чувствува болка, печење или чешање. Наведете го кондомот како единствен начин кој нема да даде, односно ќе спречи бактериите/микробите од вагината да се пренесат на пенисот, односно ќе спречи да се создаде сексуална инфекција.