Сексуално и репродуктивно здравје

Важно е да се нагласи дека спиралата може да се извади од матката и дека само докторот/докторката може да ја извади.

На илустрацијата посочете ја спиралата, односно нејзината положба како е ставена во матката. Нагласете дека иако спиралата е внатре во матката сепак девојката не може да осети дека ја има внатре, односно не и смета. Потенцирајте дека спиралата не дава сперматозоидите да влезат во матката и така не може да стигна до јајце клетката и да влезат во неа. Или пак едноставно објаснете дека спиралата не дава да се направи бебе.

Важно е да нагласите дека спиралата се става во матката на девојката. Исто важно е да потенцирате дека спиралата во матката може да ја стави само докторот/докторката. Согласно можностите на Вашата ќерка/ученичка/роднина/корисничка опишете дека девојката мора да отиде кај докторот/докторката (во болница, клиника или ординација) за тој/таа да ја стави спиралата во матката.

Потенцирајте дека спиралата е голема колку еден прст, за Вашата ќерка/ученичка/роднина/корисничка да не создаде претстава дека спиралата е голем предмет. На овој начин Вашата ќерка/ученичка/роднина/корисничка полесно ќе сфати дека спиралата може да ја собере во матката на девојката.

Нагласете дека таблетите за контрацепција може да се купат само во аптека. Согласно можностите на Вашата ќерка/ученичка/роднина/корисничка наведете дека таблетите за контрацепција не може да се купат во продавница или бензинска пупма како кондомите. Доколку поимот „аптекарка“ претставува предизвик за изговарање и меморирање на Вашата ќерка/ученичка/роднина/корисничка применете друг поим кој ќе биде соодветен (продавачка во аптека и сл.).

Важно е да се наведе дека за купување на таблетите девојката мора да има рецепт од докторот/докторката. Согласно можностите на Вашата ќерка/ученичка/роднина/корисничка и претходното искуство можете да наведете дека тоа е рецепт како рецептите кои докторот или докторката ги дава за купување на таблети, апчиња или сирупи кога луѓето се болни.

Согласно можностите на Вашата ќерка/ученичка/роднина/корисничка наведете дека таблетите не даваат јајце клетката да излезе од јајачниците, поради што сперматозоидите не можат да дојдат до неа и да влезат во неа. Или пак можете да примените поедноставна верзија од објаснувањето, дека таблетите едноставно не дозволуваат јајце клетката и сперматозоидот да се спојат и да се создаде бебе. Или пак дека таблетите едноставно не даваат да се направи бебе.

Важно е да се наведе дека таблетите за контрацепција ги пие девојката. Таблетите се пијат секој ден во исто време. Согласно можностите на Вашата ќерка/ученичка/роднина/корисничка можете да го искористите времето претставено на илустрацијата и да објасните дека секој ден наутро во 9 часот девојката треба да ја испие таблетата. Исто така, можете да примените и друга временска асоцијација која е подобра за временска ориентација на Вашата ќерка/ученичка/роднина/корисничка како пред појадок, после појадок, после будење и сл.

Освен кондомот наведете дека има и други начини на кои може да се спречи девојката да остане бремена. Еден таков начин се таблетите за контрацепција. Доколку поимот „контрацепција“ претставува предизвик во изговарање и меморирање на истиот, употребете термин кој ќе биде полесен за употреба на Вашата ќерка/ученичка/роднина/корисничка (само таблети или само апчиња и сл.).

Наведете ги претставените локации на илустрацијата во блиското опкружување на Вашата ќерка/ученичка/роднина/корисничка, како блиска аптека, продавница или бензинска пупма од која може да се купат кондоми. На овој начин и посочувате примери на Вашата ќерка/ученичка/роднина/корисничка од конкретни места од кои може да се купат кондоми. Доколку сте во можност можете заедно со Вашата ќерка/ученичка/роднина/корисничка да појдете во блиската продавница, аптека или бензинска пупма за да и покажете во кој дел од продавницата, аптеката или бензинската пупма се наоѓаат кондомите.