Врски

Согласно можностите на Вашата ќерка/ученичка/роднина/корисничка дополнете и други ситуации во кои мајката ја допира (на пример: помош при облекување, соблекување и сл.).

Наведете и други ситуации кога Вашата ќерка/ученичка/роднина/корисничка разговара со мајката (на пример, за време на гледање телевизија, возење во кола, одење во продавница и сл.).

Доколку во семејството на Вашата ќерка/ученичка/роднина/корисничка живеат и други членови, наведете ги и нив.

Согласно можностите на Вашата ќерка/ученичка/роднина/корисничка дополнете дека правилата на однесување важат за сите луѓе и важно е сите да ги почитуваат истите. Споредете некои од правилата, на пример: Како што е важно да се фрла ѓубрето во корпа за отпадоци, така е важно и на луѓето да им биде пријатно кога се заедно.

На илустрацијата е претставена автобуска станица, но можете да наведете и други места каде Вашата ќерка/ученичка/роднина/корисничка оди и среќава лица со кои не воспоставува комуникација (на пример: пазар, продавница, улица, трговски центар, ресторан и др.).

Набројте места каде Вашата ќерка/ученичка/роднина/корисничка оди често и среќава луѓе, за да може да се поистовети претставената ситуација (на пример: базен, трговски центри, кафич, ресторан, училиште, дневен центар, парк и сл.). Дополнително посочете дека на илустрацијата девојката и човекот си кажуваат здраво и се поздравуваат со рака, односно прават „да пукне“ и дека на тој начин се допираат на рацете.

И Вие практикувајте да ја прашувате Вашата ќерка/ученичка/роднина/корисничка секогаш кога сакате да ја допрете (гушнете, бакнете), бидејќи на тој начин ја гледа пактичната примена на насоките за соодветно однесување понудени во приказните.

Важно е да се понуди опција за начинот на кој комуникацијата може да продолжи меѓу Вашата ќерка/ученичка/роднина/корисничка и соговорникот, доколку соговорникот не сака да биде допрен. Разговор без допири е една од опциите.

Дополнете дека секој има право да каже не на допир. Споредете и на Вашата ќерка/ученичка/роднина/корисничка дека како таа што не сака некогаш да ја допираат, така и другите луѓе некогаш не сакаат да бидат допирани. Согласно можностите на Вашата ќерка/ученичка/роднина/корисничка набројте неколку можни причини зошто допирот во тој момент може да биде непосакуван од соговорникот (не е расположен, тажен е, не сака да го гушкаат и сл.).

Оваа ситуација можете да ја вежбате со Вашата ќерка/ученичка/роднина/корисничка преку игра на улоги, каде практично ќе ја претставите ситуацијата.